Impormasyon sa social media na patay na si Efren ‘Bata’ Reyes, ‘fake news’ – pamilya

Inalmahan ng pamilya ng Pinoy billiard champion na si Efren “Bata” Reyes ang mga lumabas sa social media na pumanaw na ito kamakailan.

Ayon sa anak ni Bata na si Chelo Reyes, “fake news” umano ang naturang impormasyon dahil maayos ang kalagayan ng kaniyang ama.

Bilang patunay, nag-post pa ito ng video, kung saan nanonood ng basketball game sa kanilang bahay ang tinaguriang “The Magician.”

Nakangiti pang sumigaw si Bata na okay lang daw siya.

Si Reyes ay huling lumabas sa billiard event noong 2019 SEA Games, kung saan nag-uwi siya ng bronze medal.