Nagbabala ang Bureau of Immigration (BI) sa mga Overseas Filipino Worker laban sa “third country recruitment” na nag-aalok ng mga trabaho sa ibang lugar kung saan hindi naman sila lehitimong na-hire.
Sa ilalim ng scheme, ang mga OFW na may expired visa ay makakakuha ng alok na maihatid sa ibang teritoryo at kalaunan ay i-recruit sa isang ikatlong bansa, na iiwan ang gobyerno na walang anumang rekord ng kanilang paglipat, ayon sa kawanihan.
Inilabas ng BI ang babala matapos i-deport ang limang Pilipino mula sa Moscow, Russia noong Biyernes, sabi ng BI.
Kasama sa grupo ang isang lalaking umalis bilang turista para bisitahin ang aniya ang kanyang asawang OFW sa Russia, ngunit nag-overstay sa bansa dahil sa pandemya.
Ang 4 na iba pa ay umalis bilang mga OFW na may valid overseas employment certificates.
Tatlo sa mga babaeng biktima ay mga OFW sa Hong Kong at na-recruit para lumipat sa Russia nang mag-expire ang kanilang mga kontrata. Ang isa pang babaeng biktima ay nagtrabaho bilang isang yaya sa Russia at nanatili sa kabila ng pag-expire ng kanyang kontrata.
