Kinumpirma ng health officials mula California ang ika-11 kaso ng novel coronavirus sa Estados Unidos.
Isang babae at pamilyang kasama nito sa Santa Clara County ang kasalukuyang naka-quarantine. Hindi pa umano malala ang sakit na nararamdaman nito kung kaya’t hindi pa inaadmit sa ospital ang pasyente.
Kamakailan lamang ng bumisita di-umano ang nasabing babae sa Wuhan, China na sentro ngayon ng naturang sakit.
Inanunsyo naman ng San Benito County Public Health Services na mag-asawa ang mayroong kumpirmadong kaso ng NCov.
Nagtungo raw ang mister sa Wuhan na naging dahilan upang maipasa nito ang sakit sa kaniyang misis.
Sa kabila nito ay naninindigan pa rin ang health officials sa Amerika na maliit pa rin ang tsansang makapasok ang coronavirus sa kanilang bansa.
