CAUAYAN CITY- Naaresto sa isinagawang buy bust operation ang isang lalaking high value target sa region 2 sa Sagana, Santiago City.
Ang inaresto ay si Alvin Dominic Narag, 22 anyos, online seller at residente ng Mabini, Santiago City.
Magkatuwang ang puwersa ng Regional Drug Enforcement Unit, City Drug Enforcement Unit at Presinto 2 na nagsagawa ng drug buybust operation na nagresulta sa pagkaka-aresto ng suspek.
Nang kapkapan si Narag ay nakuha pa sa kanyang pag-iingat ang P3,00 buy bust money na katumbas ang tatlong sachet ng pinatuyong dahon ng marijuana na ibinenta sa isang pulis poseur buyer.
Nakuha din ang cellphone na ginagamit sa transaksiyon ni Narag.
Samantala, inamin naman ng pinaghihinalaan sa Bombo Radyo Cauayan na nagawa niya ang nasabing illegal na gawain dahil sa umanoy kahirapan sa buhay.
Inamin ng pinaghihinalaan na gumagamit din siya ng illegal na droga at inaangkat niya ang dahon ng mga marijuana sa Tabuk City, Kalinga at sa Benguet.
