-- Advertisements --
Itinakbo sa pagamutan ang Hollywood actress na si Letitia Wright matapos masugatan sa shooting ng pelikulang “Black Panther: Wakanda Forever”.
Ayon sa tagapagsalita ng kumpanyang Marvel, naganap ang aksidente habang ginagawa ang pelikula sa Boston.
Inaasahan na makakalabas din sa pagamutan ang actress sa mga susunod na araw.
Gumaganap ang actress bilang si Shuri isang genius inventor at nakakabatang kapatid ni T’Challa o kilala bilang si “Black Panther”.
Magugunitang pumanaw na ang bida sa nasabing pelikula na si Chadwick Boseman noong nakaraang Agosto 29, 2020 dahil sa colon cancer.
Tiniyak ni Marvel Studio chief Kevin Feige na kanilang bubuhayin ang pagkatao ni Boseman sa nasabing pelikula.
