Higit P4 umento sa kada kilo ng LPG, sinalubong ng mga consumers ngayong Bagong Taon

Sinalubong na ng mga consumers ang Bagong Taon ang malakihang price hike sa presyo ng liquefied petroleum gas (LPG).

Ayon sa Phoenix petroleum ng langis aabot sa P4.15 ang dagdag presyo sa kada kilo ng kanilang Phoenix Super LPG o katumbas ng P45.65 kada 11-kilogram ng LPG tank.

Maging ang kada litro ng Auto LPG ay mayroon ding umento na P2.35.

Ang Solane, ay nagpatupad din ng LPG price increase na aabot sa P3.73 kada kilo o katumbas ng P41.03 sa kada 11-kilogram cylinder.