-- Advertisements --
Naglabas ng video ang Hamas ng isa nilang bihag na si Israeli-American na si Hersh Goldberg-Polin.
Ang nasabing video ay bilang patunay na nakaligtas ito kahit na sugatan ng siya ay dukutin noong Oktubre 7.
Kabilang kasi ang 23-anyos na dinukot sa Nova music festival noong Oktubre 7.
Makikita sa video na nagtamo ng malaking sugat ang kaliwang bahagi ng braso nito.
Isinilang siya sa US at lumipat sila ng Israel noong 2008.
Nanawagan ito sa magulang niya na maging kalmado at umaasa siya na mailigtas siya ng mga Israeli forces.
Magugunitang mayroon pang mahigit 100 katao ang nananatiling bihag pa rin ng Hamas mula ng isingawa ang pag-atake noong Oktubre 7.
