LAOAG CITY – Nagtataka ang mga motorista dahil kahit walang ulan ay nangyari pa rin ang malaking pagguho ng lupa sa Barangay Pancian sa bayan ng Pagudpud.
Ayon kay Barangay Kagawad Eric Arenas sa naturang barangay na dahil sa pagguho ng lupa ay maraming motorista ang na-stranded.
Sinabi nito na kaninang umaga ay hindi na nakadaan nag mga ito dahil halos 20 hanggang 50 metro ang haba ng kalsada na natabunan ng lupa.
Dahil dito ay mayroong tatlong back hoe at isang payloader ang nagtutulungan para malinis o maalis ang lupa sa kalsada.
Sinabi nito na kahit walang ulan ay nangyari parin ang malaking pagguho dahil sa road widening.
Hindi naman masabi ng mga nagbabantay at ni Arsenas kung hanggang kailan malilinis ang kalsada ngunit sa ngayon ay wala munang sasakyan ang makakadaan.
