May kabuuang 909 na lalaki at babae na PDL sa Davao Prison and Penal Farm (DPPF) sa Davao del Norte ang nainteview para sa posibleng pagkakaloob ng parole o iba pang anyo ng executive clemency.
Sa isang pahayag, sinabi ng Bureau of Corrections (BuCor) na ang mga panayam ng mga PDL sa kanilang physical, mental at moral na background ay isinagawa ng Bureau of Pardons and Parole (BPP) noong Agosto 23 hanggang 26.
Ang mga babaeng PDL na nag-aapply para sa parole o executive clemency ay ang mga nakakulong sa Correctional Institution for Women (CIWP) ng Davao Prison and Penal Farm.
Ang executive clemency para sa mga PDL ay ipinagkaloob ng Pangulo.
Ito ay alinman sa reprieve, absolute pardon conditional pardon na mayroon o walang kondisyon ng parole, at pagpapalit ng sentensiya sa bilangguan.
Ipinaliwanag ng BuCor na ang parole ay ang pansamantala at nakakondisyon na pagpapalaya ng isang nagkasala mula sa isang institusyon ng pagwawasto pagkatapos niyang pagsilbihan ang pinakamababang parusang ipinataw ng korte.
Sa pagproseso ng parole o executive clemency review, ang mga PDL na matanda na, may sakit o dumaranas ng mga sakit na nakamamatay o may malubhang kapansanan, alinsunod sa BPP Resolution No. OT-04-15-2020 ay ang mga pangunahing bibigyan ng konsiderasyon ng BuCor.
