Germany pasok na sa semifinals ng FIBA World Cup matapos talunin ang Latvia 81-79

Nalusutan ng Germany ang Latvia 81-79 para tuluyang makapasok sa semifinal round ng 2023 FIBA Basketball World Cup na ginanap sa Mall of Asia Arena sa lungsod ng Pasay.

Nanguna sa panalo ang magkapatid na sina Franz at Moe Wagner.

Nagtala ng 16 points at walong rebounds si Franz habang mayroong 12 points at apat na rebounds ang kapatid nitong si Moe Wagner.

Hindi nakalayo ang Germany sa laro mula sa una hanggang ikatlong quarter.

Pagpasok lamang ng last quarter ng lumayo ang lamang ng German players sa 11 points 70-59 na may natitirang mahigit walong minuto.

Ito na ang pang-anim na sunod na panalo ng Germany ngayong World Cup.

Makakaharap ng Germany ang USA Basketball Team sa araw ng Biyernes.