France niluwagan na ang mga travel restrictions sa mga galing UK

Luluwagan na ng France ang kanilang travel restrictions sa mga manggagaling ng United Kingdom.

Magsisimula ito sa Enero 14, 2022 kung saan lahat aniya ng mga fully-vaccinated na pasahero ay hindi na mag-isolate pagdating sa France.

Kailangan din na magpakita ang mga ito ng negative COVID-19 test na isinagawa 24 oras bago umalis sa UK.

Nauna ng ipinatupad ng France ang nasabing paghihigpit noong Disyembre 18 para mapababa ang kaso ng COVID-19 sa bansa.