FIFA president ibinasura ang planong paggamit ng ‘blue cards’ sa football

Tinutulan ni FIFA President Gianni Infantino bago pa nila isagawa ang annual meeting ng International Football Association Board, ang ideya at binuong plano ng ilan sa mga mambabatas ng football na gamitin ang ‘blue cards’.

Binigyang diin ni Infantino sa kaniyang pahayag, na kontra siya rito at sinisigurado niya na hindi ito gagamitin sa ‘elite level’ na mga laro.

Ang nasabing ‘blue cards’ ay dagdag babala sana kasama ng mga karaniwang makikita sa football game gaya ng yellow at red cards na ginagamit bilang pagpapaalala tuwing may nilalabag na patakaran ang mga manlalaro.

Samantala, bukas naman siya sa ideya at iba pang suhestiyon o panukala na aayon pa rin sa tradisyon at diwa ng larong football.