FDA center for drug regulation ‘di pa nakakasagot sa show-cause order ng ARTA

Maghahain ng kaso sa Ombudsman ang Anti-Red Tape Authority (ARTA) laban sa isa se department ng Food and Drugs Administration (FDA) sakaling mabigo itong maipaliwanag ang delay sa renewal ng nasa 600 product registration applications.

Ayon kay ARTA director-general Jeremiah Belgica, hindi pa rin sumasagot sa kanilang show-cause order ang FDA Center for Drug Regulation and Research.

Sinabi ni Belgica na mayroong hanggang sa Biyernes ang naturang department ng FDA para sumagot sa kanilang show-cause order.

Sakaling matuloy ang ARTA sa imbestigasyon nito, sinabi ni Belgica na sasailalim sa lifestyle check ang mga opisyal ng department ng FDA na involved sa issue.