-- Advertisements --
teen actress angela zamora
IMAGE | Angela Zamora/Bacoor, Cavite PNP

Arestado ang isang dating teen actress sa Cavite matapos madakip sa drug buy bust operation ng pulisya.

Kinilala ang artistang si Angela Zamora na kasamang naaresto ng 30 iba pa sa simultaneous anti-criminality law enforcement operation ng Bacoor City PNP.

Bukod kay Zamora may ilang high value targets din daw na naaresto ng mga otoridad ayon kay Bacoor City Police chief Col. Vicente Cabatingan.

Kasama umano ng aktres na naaresto ang kanyang live in partner na si Vladimir Bersan at mga kasabwat na sina Jovencio Isler, Christian Lawrence Macanlalay at Loro Lopez.

Nakuha naman mula sa mga ito ang nasa halos P70,000 halaga ng pinaghihinalaang shabu.