Idinala sa Department of Justice ngayong araw si former Department of Public Works and Highways Undersecretary Roberto Bernardo kasunod ng kanyang pagdating kasama si Justice Secretary Jesus Crispin ‘Boying’ Remulla.
Dito inaaasahang susuriin ng kagawaran ang ‘affidavit’ ng dating opisyal kaugnay sa mga nalalaman nito ukol sa maanomalyang flood control projects.
Pasado alas-dyis ng umaga dumating si former Undersecretary Bernardo kasama si Justice Secretary Remulla sa magkahiwalay na sasakyan mula Senado.
Sa maikling panayam sa kalihim ng kagawaran kanyang kinumpirma na itinuturing bilang isang ‘protected witness’ na si Bernardo.
Ngunit kanyang nilinaw na dadaan pa sa ebalwasyon ng Department of Justice ang dating opisyal bago siya mapasailalim ng tuluyan o opisyal sa ‘witness protection program’.
Gayunpaman, tiniyak ni Justice Secretary Jesus Crispin ‘Boying’ Remulla na kanilang seseguraduhin ang kaligtasan ni former Department of Public Works and Highways Undersecretary Roberto Bernardo.
