EJ Obiena muling nangibabaw sa torneo sa Switzerland

Muling nangibabaw si Filipino pole vaulter EJ Obiena sa Gala dei Castelli tournament sa Ticino, Switzerland.

Nagtala ito ng 5.81 meters na record sa nasabing torneo.

Dahil dito ay tinalo nito si world number 2 American Chris Nilsen na nagtapos lamang ng 5.71 meters habang pumangatlo ang French pole vaulter Renaud Lavillenie dahil sa countback nito sa 5.71 meter clearance.

Sinubukan pa ng Filipino pole vaulter na makapagtala ng 5.95 meters pero nabigo ito sa ikatlo nitong pagtatangka.

Nauna ng tinalo ni Obiena si Armand Duplantis sa Diamond League sa Brussels noong Setyembre 3.