CENTRAL MINDANAO-Nalambat ng mga tauhan ng Philippine Drug Enforcement Agency-Bangsamoro Autonomous Region (PDEA-BAR) ang isang drug dealer sa lalawigan ng Lanao Del Sur.
Nakilala ang suspek na si Samsodin Ara, 52 anyos,may asawa at Barangay Pabrica Marogong Lanao Del Sur habang nakatakas naman ang kasama nito na si Maganor Montañer.
Sinabi ni PDEA-BAR Agent Naïve na nagsagawa sila ng buybust operation sa Barangay Macao Balabagan Lanao Del Sur katuwafng ang mga tauhan ng Marine Battalion Landing Team 2, 2nd Police Mobile Force Company at Balabagan MPS.
Nang i-abot na ng suspek ang droga sa PDEA Agent ay doon na sya hinuli habang mabilis na nakatakas ang kasabwat nito.
Narekober sa posisyon ng suspek ang 100 grams na shabu na nagkakahalaga ng 680,000.00 pesos sa drug market value,buybust money,Suzuki multicab at dalawang M14 rifles.
Sa ngay on ay nakapiit na ang suspek sa costudial facility ng Balabagan MPS at nahaharap sa mga kasong paglabag sa RA 10591 o illegal possession of firearms and ammunition Comprehensive Dangerous Drugs Act of 2002 at paglabag sa Comelec Gun ban.
