MANILA – Binigyang diin ng Department of Health (DOH) na hindi kailangan magsuot ng face shield ng publikong gumagamit ng “active transportation.”
Ayon sa DOH, may potensyal na panganib sa mga nagbi-bisikleta ang pagsusuot ng face shield kaya naman hindi nila inirekomenda ang naturang protocol.
“Based on section II(B)(6) of DOH Department Memorandum No. 2020-0534, which provides guidance on the use of face shields for COVID-19 mitigation, “individuals engaged in strenuous activities/work, fine workmanship, operation of transportation vehicles, and active transport” are exempted from wearing face shields,” ayon sa DOH.
Dagdag pa ng ahensya, suportado ng hiwalay na Joint Memorandum Circular ng iba’t-ibang kagawaran ang hindi pagre-require sa active transport na mag-face shield dahil makakasagabal ito sa kanilang pagmamaneho.
“Due to the possible vision impairment face shields bring, bikers and users of other forms of active transport are exempted from the mandatory use of face shields outside of their residences,” nakasaad sa JMC No. 2021-0001.
Pareho rin umano ang nilalaman ng naunang Joint Memorandum Circular No. 2020-0001, kung saan inirerekomenda lang ang face shield bago at matapos gumamit ng active transport.
Pinaalalahanan ng Health department ang mga tumatangkalik ng naturang alternatibong transportasyon na bagamat hindi requirement ang face shield, kailangan pa rin nilang magsuot ng face mask.
“And the observance of physical distancing, respiratory hygiene practices, and other appropriate health interventions must continue to be practiced while cycling or engaging in other forms of active transport.”
Tiniyak ng ahensya ang pakikipagtulungan sa national at local government units para masigurong naipapatupad ng maayos ang mga ipinatupad na kautusan.
Kamakailan nang mapaulat ang panghuhuli at pag-detine ng pulisya sa Rizal sa isang doktor na nagbi-bisikleta pero hindi naka-face shield.
