Nilinaw ng Department of Health (DOH) na wala pang final at aprubadong kopya ng Omnibus Guidelines para sa testing ng COVID-19.
Pahayag ito ng ahensya matapos i-anunsyo ng isang TruLaboratories Corporation na kasali ang Antigen Test Kits sa mga inaprubahan ng DOH sa ilalim ng nasabing guidelines.
“DOH clarifies that The Omnibus Guidelines on COVID-19 Testing HAS NOT YET BEEN FINALIZED OR APPROVED, nor has it been signed and issued for implementation.”
Aminado ang Health department na may mga inaprubahang antigen test kits ang Food and Drug Administration, pero wala umano silang ini-endorso na kahit anong brand nito.
“DOH calls on the public to be vigilant when it comes to information, and verify everything through the DOH’s official website and social media pages.”
Una nang sinabi ng DOH na mas mapagkakatiwalaang gamitin ang antigen kumpara sa rapid antibody test, na ikinakampanya ng ahensyang hwuag gamitin bilang screening test.
“Ito (antigen test) yung bago na lumalabas. Appropriate lang siyang gamitin kapag first 5 days of the illness. Hindi mo magagamit kapag pre-symptomatic ka o di kaya ay nakalapgas ka na ng anim na araw, pitong araw sa sakit. It is more sensitive than the rapid antibody test,” ani Health Usec. Maria Rosario Vergeire.
