Binigyang diin ni Foreign Affairs Secretary Enrique Manalo ang kahalagahan ng Filipino-Chinese community sa pagpapanatili ng diplomatikong relasyon ng Pilipinas sa China.
Sinabi ni Manalo na ang komunidad ay pinagmumulan ng katapatan at sinseridad na pumuputol sa people-to-people ties at bilateral ties sa China.
Ang kanyang pahayag ay dumating habang ang relasyon ng Pilipinas sa China ay hinahamon ng pagtatalo ng dalawang bansa sa West Philippine Sea, na bahagi ng exclusive economic zone ng Pilipinas na inaangkin ng China bilang sarili nitong karagatan.
Hinimok ni Manalo ang Filipino-Chinese community na suportahan ang diplomatic efforts ng Pilipinas para mapahusay ang ugnayan sa China at pamahalaan ang mga pagkakaiba ng dalawang bansa.
ANiya, upang mapangalagaan ang mapayapa at nakabubuo na relasyon sa pagitan ng Pilipinas at Tsina, ang pagbabalik tanaw sa nakaraan at pag-aaral kung paano umunlad ang mga komunidad sa mga nakaraang siglo na pakikipag-ugnayan sa pagitan ng mga mamamayan ay dapat magbigay ng inspirasyon na magpatuloy sa pagtataguyod para sa kapayapaan at pakikipagtulungan.
Sa kabilang banda, binanggit din ni Chinese Ambassador to the Philippines Huang Xilian, ang kasaysayan sa pagitan ng mga Filipino at Chinese na may “shared destiny and friendship.”
Nanawagan si Huang sa publiko na magtulungan at isulong ang malalim na pagmamahal at dedikasyon ng mga ninuno upang makamit ang maayos na ugnayan sa pagitan ng Ph at China.
