Nabahala si Foreign Affairs Secretary Enrique Manalo tungkol sa mga tensyon sa Taiwan Strait, na idiniin na ang Pilipinas ay maaaring magdusa dahil sa masamang epekto nito.
Sinabi ni Manalo na mayroong 150,000 hanggang 200,000 Pilipinong naninirahan at nagtatrabaho sa Taiwan.
Ang Taiwan ay literal na katabi ng Pilipinas, kaya aniya kung titingnan pa lamang, anumang uri ng pag-igting ng tensyon o labanang militar ay talagang may masamang epekto sa Pilipinas.
Kung matatandaan noong 2022, ipinahayag ng Pilipinas ang kanilang pangako na sumunod sa patakarang One-China sa gitna ng tumataas na tensyon sa Taiwan Strait.
Kaugnay niyan, ang Pilipinas ay walang diplomatikong ugnayan sa Taiwan na isang demokratikong isla na nahiwalay sa mainland ng Tsina mula noong 1949 ngunit inaangkin pa rin ng China bilang bahagi ng teritoryo nito.
Binanggit ng China noong nakaraang linggo ang isang alalahanin hinggil sa Pilipinas na maaaring masangkot sa isang potensyal na tunggalian sa Taiwan Strait pagkatapos ng pagtatalaga ng mga bagong Enhanced Defense Cooperation Agreement o EDCA sites.
