Nakapagtala ang Department of Health (DOH) ng 86 na bagong kaso ng COVID-19, habang bumaba naman ang aktibong tally nito sa kabuuang bilang na 9,203.
Ito ang ikalawang sunod na araw para sa mga bagong COVID-19 na numero na umabot sa mas mababa sa isang daan dahil ang mga aktibong kaso ay bumaba rin mula sa 9,211 kamakailan.
Ang pinakahuling datos ng departamento ay nagpakita na ang COVID-19 tally ng bansa ay umakyat sa 4,075,757.
Sa nakalipas na 14 na araw, kabilang sa mga rehiyon na may pinakamataas na kaso ay ang National Capital Region na may 441 cases, sinundan ng Davao Region na may 208, Calabarzon na may 187, Western Visayas na may 104, at Central Visayas na may 66 na bilang.
Hindi naman bababa sa 142 na bagong pasyente ang gumaling na, kaya umabot na sa 4,000,503 ang recovery tally ng ating bansa.
Una na rito, ang bilang ng mga namatay ay tumaas din sa 66,051 na may 12 na bagong pagkamatay, ayon sa pinakahuling ulat ng Department of Health.
