Inaprubahan ng Department of Budget and Management (DBM) ang pagpapalabas ng pondo para sa pagkumpleto ng karagdagang construction works sa isang drug rehabilitation facility sa Cavite.
Sinabi ni Budget Secretary Amenah F. Pangandaman na inaprubahan ng DBM ang pagpapalabas ng P48.8 milyon sa Department of Health (DOH) para sa pagkumpleto ng Drug Abuse Treatment and Rehabilitation Center (DATRC) sa Trece Martires.
Aniya, ang pondo ay naglalayong suportahan ang pangako ng gobyerno na ipatupad ang batas sa paggamit at pag-abuso sa ilegal na droga habang inuuna ang rehabilitasyon ng mga biktima at gumagamit ng droga.
Ang mga naaprubahang pondo ay sisingilin sa mga kikitain ng grant mula sa Japan International Cooperation Agency – Program for Consolidated Rehabilitation of Illegal Drug Users at ang mga awtomatikong paglalaan sa ilalim ng 2023 national budget.
Ang karagdagang mga gawaing konstruksyon sa Drug Abuse Treatment and Rehabilitation Center ay magpapahusay sa kapasidad ng sentro na tumanggap ng mas maraming pasyente at magbigay ng mga serbisyo sa rehabilitasyon.
Dagdag dito, ang nasabing rehabilitation center ay isang pasilidad na pinondohan ng Japan International Cooperation Agency na sumasaklaw sa limang ektaryang lugar.
Pinapatakbo ng DOH, ang Drug Abuse Treatment and Rehabilitation Center na kasalukuyang kayang tumanggap ng hanggang 480 pasyente, na may magkahiwalay na section para sa mga lalaki at babae na indibidwal.
