Kinumpirma ni Executive Secretary Salvador Medialdea ang appointment ni Court Administrator Jose Midas Pascual Marquez bilang bagong associate justice ng Supreme Court (SC).
Pinalitan ng court administrator at dating tagapagsalita ng Korte Suprema si Justice Edgardo L. Delos Santos.
Si Marquez ay 55-anyos pa lamang at ipinanganak noong Pebrero 16, 1966.
Magreretiro ito sa taong 2036.
Tinapos ng bagong associate justice ang kanyang Bachelor of Arts degree in Economics noong 1987 at Juris Doctor degree noong 1993 sa Ateneo de Manila University.
Naging miyembro ito ng Philippine Bar noong 1994.
Kung maalala si Marquez ay inendorso ng iba’t ibang grupo para sa posisyon ng Philippine Judges Association (PJA), Philippine Trial Judges League (PTJL), Metropolitan and City Judges Association of the Philippines (MetCJAP), Philippine Association of Court Employees (Pace) sa Judicial and Bar Council (JBC).
Noong Hunyo 29, 2021 nang magretiro si Justice Delos Santos sa mandatory age ng retirement na 70.
Siya ang ika-186 na associate justice ng kataas-taasang hukuman.
