Converge reserve guard Tallo pinatawan ng P100-K na multa

Pinatawan ng P100,000 na multa ng PBA si Converge reserve guard Mac Tallo.

Ito ay dahil sa paglalaro niya sa Sinulog Cup mini-tournament sa Cebu ng hindi nagpapaalam sa koponan at sa liga.

Sinabi ni PBA Commissioner Willie Marcial na kaniyang nakausap ang six-foot-guard at inaming hindi lamang isa at sa halip at limang beses pa itong naglaro.

Dagdag pa ni Tallo na kaya siya naglaro ay dahil sa inakala niya na may karapatan siya dahil sa pagiging unrestricted free agency status.