Naihabol ng Commission on Appointments (CA) ang kumpirmasyon sa puwesto ng 65 officials sa last session day at bago sumailalim sa Chrsitmas break ang Kongreso.
Pinangunahan ni Senate President at CA chairperson Juan Miguel “Migz” Zubiri ang kumpirmasyon ng appointments at nominasyon ng tatlong cabinet secretaries, dalawang ambassadors, apat na foreign service officers, dalawang Commission on Elections (COMELEC) commissioners at 54 general at senior officers ng Armed Forces of the Philippines (AFP).
Ilan sa mga nakumpirma sa kanilang posisyon ay sina: Transportation Sec. Jaime Bautista, Human Settlements Sec. Jose “Jerry” Acuzar, Socio-economic Planning Sec. Arsenio Balisacan; Comelec Commissioners Nelson Celis and Ernesto Ferdinand Maceda Jr., Ambassador to Germany Irene Susan Natividad, Ambassador to Switzerland Bernard Dy, at AFP officers sa pamumuno Lt. Gen. Rowen Tolentino.
Pinasalamatan ni Zubiri ang bumuo ng CA dahil sa mabilis na pag-apruba sa posisyon ng mga opisyal ng gobyerno.
Maituturing na nagawa nila ang itinalaga sa kanilang konstitusyon.
Mayroong dalawang departments lamang ang nagkukulang ng appointments.
