Nasilat ng Memphis Grizzlies ang powerhouse team na Los Angeles Clippers, 122-94.
Tagumpay ang Grizzlies na limitahan ang diskarte nina Kawhi Leonard at Paul George gamit ang matinding depensa.
Nanguna naman sa opensa ng Memphis si Tyus Jones na may career-high na 20 points, habang todo kayod din sina Dillon Brooks na nagtapos sa 19 points, Jonas Valanciunas at Ja Morant ay kapwa may 16.
Liban nito si Valanciunas ay nagpakita rin ng 15 rebounds.
Sa panig naman ng Clippers si Leonard ay meron lamang 17 points, at sina George at Serge Ibaka ay parehong may 13 points.
Minalas din sa three-point area ang Clippers na inabot lamang sa 35.3% taliwas sa umiiral na 42% ngayong season.
Sa ngayon hawak ng LA ang record na 23-11 habang ang Grizzlies ay umusad sa 14-14 kartada.
