Naglabas ngayon ang Bureau of Fisheries and Aquatic Resources (BFAR) ng red tide alert sa ilang mga lugar at baybayin sa bansa na naitala ang paralytic shellfish poison (PSP).
Kabilang sa mga lugar ay ang Tagbilaran City sa Bohol, Matarinao Bay sa Eastern Samar, Dumanquillas Bay sa Zamboanga del Sur at Lianga Bay sa Surigao del Sur.
Kasama rin dito ang lugar ng Roxas City at Pilar sa Capiz na nagpositibo sa paralytic shellfish poison o red tide.
Dagdag pa rito, pinapaalalahanan ang mga residente na ang lahat ng uri ng shellfish at acetes o alamang na magmumula sa nasabing baybayin ay hindi ligtas para kainin at maaari pang ikamatay.
Nagbigay naman ng mahigpit na paalala ang ahensya na ang mga isda, pusit, at alimango sa nasabing ring lugar ay maaari namang kainin basta’t nalinisan nang maigi ang mga ito.
“All types of shellfish and Acetes sp. or alamang gathered from the areas shown are NOT SAFE for human consumption. Fish, squids, shrimps, and crabs are safe for human consumption provided that they are fresh and washed thoroughly, and internal organs such as gills and intestines are removed before cooking,” bahagi ng abiso mula kay Atty. Demosthenes Escoto, officer-in-charge, Bureau of Fisheries and Aquatic Resources. (with reports from Bombo Allaiza Ecalrinan)
