Bolts kinuha si KJ McDaniels bilang bagong import nila

Nagpasya ang Meralco Bolts na magpalit ng kanilang import.

Kinuha nila bilang bagong import si KJ McDaniels ang dating import ng Talk N’ Text Tropang Giga.

Nagpasya si Bolts coach Norman Black matapos ang hindi magandang performance ng kanilang import na si Johnny O’Bryant.

Sa loob kasi ng anim na laro ay iisa lamang kanilang panalo.

Lumahok naman na si McDaniels sa ensayo ng koponan nitong Martes.

Unang naging import si McDaniels ng NLEX noong 2021-2022 Governor’s Cup subalit hindi nagtagal dahil bumalik siya sa kanilang bansa matapos manganak ang kinakasama.