Muling pinagtibay ng Bureau of Customs ang ugnayan sa Association of Southeast Asian Nations (ASEAN), na nangakong palalakasin ang pagsunod at pagpapatupad ng mga hakbang sa rehiyon.
Sa isang pahayag, sinabi ng BOC na ang katatapos na ASEAN Customs Enforcement and Compliance Working Group sa Davao City ay nakatuon sa pakikipagpalitan ng mga pinakamahusay na kasanayan sa ibang mga bansa.
Ang Compliance Working Group ay isang katawan sa loob ng ASEAN, ay gumagawa ng mga hakbang upang maghanap ng mga paraan upang mapabuti ang mga proseso ng trabaho, koordinasyon, pagiging epektibo, at kahusayan sa customs sector.
Ayon sa kawanihan, ang pagtaguyod ng mahusay na customs enforcement system at matatag na compliance frameworks ay mahalaga upang matiyak ang maayos na paggalaw ng mga kalakal at maiwasan ang ipinagbabawal na kalakalan.
Dagdag dito, sinabi ng BOC na nakakolekta ito ng P79.225 bilyon sa mga duties and taxes noong Setyembre, na lumampas sa P76.445 bilyon na target nito para sa buwan.
Nauna nang iginiit ni Pangulong Ferdinand Marcos, Jr. ang utos nito sa Bureau of Customs na palakasin ang kanilang pagsisikap laban sa rice hoarding at illegal importation sa gitna ng pagtaas ng presyo ng bigas sa bansa.
