Umaasa ang gobyerno na magsimulang mangolekta ng 1% withholding tax mula sa mga operator ng mga online marketplace bago ang Disyembre ngayong taon.
Sinabi ni Bureau of Internal Revenue (BIR) Assistant Commissioner Jethro Sabariaga na pinag-aaralan na ngayon ng kawanihan ang mga komento ng mga stakeholder sa pinal na draft ng revenue regulation (RR) na sumasaklaw sa mga online sellers.
Kapag nailabas na, babaguhin ng bagong revenue regulation ang mga probisyon ng Section 2.57.2 at 2.57.3 ng 25-year na revenue regulation No. 2-98 upang magpataw ng creditable withholding tax sa mga pagbabayad sa kita na ginawa ng mga electronic marketplace operator sa mga online merchant.
Para sa paglilinaw, sinabi ng BIR na ang mga e-marketplace ay mga digital platform na ang negosyo ay upang ikonekta ang mga online na mamimili sa mga online na merchant.
Kabilang dito ang mga marketplace para sa online shopping, food delivery platform, gayundin ang online facilities para sa pag-book ng resort, hotel, mga bahay, condominium unit, bed space, room for rent at iba pang katulad na lodging accommodation.
Ito ay sa hangarin nama-cash-in ang exponential growth sa mga e-commerce transaction sa panahon ng pandemya.
