Ilalaan ang bigas na donasyon ng Taiwan na nagkakahalaga ng humigit-kumulang ₱125 milyon para sa mga food packs na ibibigay para sa bawat pamilya sa panahon ng mga kalamidad.
Ibinalik ng Manila Economic and Cultural Office (MECO), o kilala bilang Philippine representative Office sa Taiwan, ang kalahati ng 2,000 metric tons (MT) ng bigas na ipinangako ng Taipei Economic and Cultural Office (TECO) sa National Food Authority (NFA) warehouse sa Valenzuela City.
Ayon kay DSWD Disaster Response Management Group Undersecretary Diane Cajipe, magagamit ito para sa mga family food packs na ibinabahagi tuwing may kalamidad.
Sinabi ni MECO Chairman Silvestre Bello III na kumpiyansa siya na mananatiling mabuti para sa pagkonsumo sa mahabang panahon ang donasyong bigas na nagmula sa Taiwan.
Nauna nang sinabi ni Taiwan Economic and Cultural Office Representative Wallace Chow na ang natitirang 1,000 MT ng bigas ay darating kapag kailangan o sa kahilingan ng gobyerno ng Pilipinas.
