Nagpaturok ng updated na COVID-19 vaccine si US President Joe Biden.
Dahil dito ay hinikayat ng US President ang kaniyang kababayan na gayahin siya bago ang holiday season.
Pinayuhan niya ang mga ito na ihiwalay ang pamumulitika at magpaturok na ng bakuna.
Aabot na kasi sa mahigit isang milyong mga Americans ang nasawi dahil sa COVID-19.
Iginiit nito na mayroon silang magagawa para tuluyang masawata ang virus.
Mayroong 20 milyong mahigit sa US na rin ang nakatangaap ng kanilang COVID boosters subalit napakaraming mga may edad na ang takot pa ring magpaturok ng kanilang booster shots sa US.
Patuloy din ang ginagawang panghihikayat ni White House COVID-19 response coordinator Ashish Jha sa mga kababayan nila na magpaturok ng bakuna bilang kanilang annual vaccine shots.
