-- Advertisements --
Napalawig pa ng San Miguel Beermen sa 10 ang panalo sa nagpapatuloy na 2024 PBA Philippine Cup.
Ito ay matapos na talunin nila ang Blackwater Bossing 124-109 sa laro na ginanap sa PhilSport Arena sa lungsod ng Pasig.
Nanguna sa panalo si CJ Perez na may 26 points at tig-limang rebounds at assists habang mayroong 25 points si Don Trollano.
Nagdagdag naman ng 21 points at 16 rebounds si June Mar Fajardo habang mayroong 14 points si Jericho Cruz, 12 points kay Terrence Romeo at 11 points kay Marcio Lassiter.
Hindi naman nagkukumpiyansa si Beermen coach George Gallent dahil may isa pa silang laban sa elimination at ito ay sa pamamagitan ng Meralco Bolts.
