-- Advertisements --
Bumagal ang galaw ng Tropical Storm Ada habang tinatahak ang baybayin ng Pandan, Catanduanes, ngunit nananatili parin ang lakas nito, ayon sa weather bulletin ng Philippine Atmospheric, Geophysical and Astronomical Services Administration (PAGASA) nitong Sabado.
Batay sa pinakahuling ulat, nananatiling nakataas ang Tropical Cyclone Wind Signal (TCWS) No. 2 sa mga sumusunod na lugar:
- Camarines Norte (eastern portion) — Vinzons, San Lorenzo Ruiz, San Vicente, Talisay, Basud, Mercedes, Daet, Paracale
- Camarines Sur (eastern at central portions) — Siruma, Tinambac, Ocampo, Goa, Lagonoy, Milaor, Nabua, Buhi, Caramoan, Baao, Cabusao, Bato, Camaligan, Pili, Sipocot, Tigaon, Pamplona, Garchitorena, Iriga City, San Fernando, Magarao, Minalabac, Balatan, Libmanan, Naga City, Calabanga, Bombon, Bula, Canaman, Pasacao, Sagñay, San Jose, Presentacion, Gainza, Lupi
- Albay
- Catanduanes
Samantala, itinaas naman ang TCWS No. 1 sa mga sumusunod na lugar:
- Isabela (southeastern portion) — Dinapigue, Palanan
- Aurora
- Eastern Quezon, kabilang ang Polillo Islands
- Marinduque
- Eastern Romblon
- Natitirang bahagi ng Camarines Norte at Camarines Sur
- Sorsogon
- Masbate
- Northern Samar
- Northern at central Eastern Samar
- Northern at central Samar
Ayon sa state weather bureau, bandang alas-7 ng gabi ay taglay ni Ada ang lakas ng hangin na umaabot sa 85 kilometro malapit sa gitna, na may pagbugsong hanggang 105 kph. Kumikilos ito pahilagang-kanluran sa bilis na 15 kph.
