Bagong LPA, namataan sa silangan ng Caraga region – Pagasa

Binabantayan ngayon ng Pagasa ang isang low pressure area (LPA) sa silangan ng Caraga region.

Ayon sa Pagasa, maliit pa ang tyansa nitong maging bagyo, ngunit inaasahang magpapa-igting ng ulan sa malaking parte ng Visayas at Mindanao.

Huli itong namataan sa layong 615 km sa silangan timog silangan ng Hinatuan, Surigao del Sur.

Nakapaloob ito sa nagsasalubong na hanging dala ng intertropical convergence zone (ITCZ).

Nakakaapekto ito mula sa Palawan, Visayas at Mindanao.