Tiniyak ni Phil. Army Commanding General Lt. Gen. Romeo Brawner ang full transparency ng Phil Army sa isasagawang Annual General Inspection (AGI) ng Armed Forces of the Philippines (AFP).
Ang pagtiyak ay ginawa ni Brawner nang mag-Courtesy call si AFP Inspector General Lt. Gen. William N. Gonzales, sa Philippine Army Headquarters sa Fort Bonifacio para pag-usapan ang AGI.
Ayon kay Brawner, mahalaga ang pagkakaroon ng regular na honest-to-Goodness “investigation, inspection, evaluation, and assessment”, para kung may anumang problema sa Philippine Army ay matukoy ito agad at magawan ng solusyon.
Kaugnay nito, inatasan ni Brawner sa lahat ng Army Units na ibigay ang kanilang buong kooperasyon sa General Inspection team.
Ang Philippine Army ay nakatanggap ng 91.44% rating para operational readiness, mission accomplishment, utilization of resources, state of morale, welfare, at discipline sa AGI noong nakaraang taon.
