Ipinadala na ng Russian Direct Investment Fund (RDIF) ang kanilang application sa World Health Organization (WHO) para sa Emergency Use Listing at prequalification ng Sputnik V.
Russia ang kauna-unahang bansa na nabigyan ng regulatory approval para sa coronavirus vaccine bago pa man nito makumpleto ang large-scale trial ng gamot.
Ang ginawang ito ng nasabing bansa ay nagbunsod naman ng pagkabahala mula sa mga scientists at doktor dahil hindi pa raw sigurado kung ligtas at epektibo ito.
Layunin naman ng Emergency Use Listing (EUL) na pabilisin ang availability ng bakuna sa buong mundo, habang ang WHO prequalification naman ay isang global quality tag na sisiguradong epektibo at ligtas ang gamot.
Dahil dito ay pahihintulutan ang Sputnik V na isama sa listahan ng medical products na naabot ang standard ng international body sa pagdating sa quality, safety at efficacy standards.
