Binago ng kampo ni Jerwin Ancajas ang mga teknik na ipinapagana.
Sinabi ng kaniyang coach na si Joven Jimenez, ang mga adjustments na kanilang ipinatupad ay para hindi na maulit ang nangyaring pagkatalo ng Filipino boxer kay Fernando Martinez ng Argentina.
Ang nasabing mga adjustments ay para mabawi nito ang kaniyang IBF junior bantamweight title mula kay Martinez.
Ilan sa mga pagbabago ay ang pagkuha nila ng bagong nutritiounist sa katauhan ni Bianca Estrella at isa mula sa Philippine Sports Commission.
Nakaranas kasi ng pagka-drain si Ancajas matapos na habulin nito ang kaniyang timbang.
Ilan din sa nakikita nitong dahilan ay ang nasobrahan na nila ang training kaya aayusin na nila ang mga schedule ng kaniyang training.
Magugunitang nakatakdang magsagawa ng rematch si Ancajas kay Martinez sa darating na Oktubre 18.
Sa kasalukuyan ay nasa Cavite si Ancajas at doon sila nagsasagawa ng training kung saan magtutungo sila sa US ng tatlong linggo bago ang laban.
