Advocacy group para sa West PH Sea, binuo

Pinangungunahan ni dating Solicitor General (SolGen) at retired Supreme Court (SC) Justice Francis Jardeleza ang isang advocacy group na magtutulak ng pamamaraan para maigiit ang 2016 arbitral tribunal award ukol sa West Philippine Sea issues.

Matatandaang si Jardeleza ang isa sa mga nanindigan para sa laban ng Pilipinas kontra sa China, nang dinggin sa The Hague ang usapin ng “nine dash line” claim ng Beijing.

Katuwang dito ng dating mahistrado sina Dr. Melissa Loja at Atty. Romel Bagares.

Kaugnay nito, sumulat na rin sila kay Pangulong Rodrigo Duterte para sa pagpapalakas ng baseline law para sa ating teritoryo.