Abueva at Tatuaa iimbestigahan dahil sa nangyaring sigawan ng pagkatapos ng laro

Ipapatawag ni PBA Commissioner Willie Marcial sina Calvin Abueva ng Magnolia Hotshots at Mo Tatuaa ng San Miguel Beermen.

Kasunod ito sa naganap na sigawan ng kani-kanilang asawa matapos ang laro nitong Linggo.

Dagdag pa ni Marcial na kasamang ipapatawag nito ang mga may-bahay ng dalawang manlalaro.

Gumugulong na aniya ang imbestigasyon at nakikipag-ugnayan na sila sa kampo ni Tatuaa.

Dagdag pa nito na mangagalap muna siya ng mga bidyo bilang ebidensiya sa nangyaring hindi pagkakaunawaan ng dalawang panig.