-- Advertisements --

Matagumpay na inilunsad ng Armed Forces of the Philippines (AFP) at Philippine Sports Commission (PSC) ang kauna-unahang Philippine Uniformed Service as One (PUSO) Games nitong Nobyembre 21 sat Rizal Memorial Stadium sa Maynila.

Dinaluhan ni AFP Chief of Staff General Antonio Nafarrete ang pagbubukas ng torneo kasama sina Department of National Defense Undersecretary Gavin D. Edjawan na siyang kumatawan kay Defense Secretary Gilberto C. Teodoro Jr at PSC Chairman John Patrick Gregorio.

Ang PUSO Games ay nilahukan ng nasa 2,000 na mga atleta ng mga uniformed services at ilang ahensiya ng gobyerno.

Mayroong 20 na mga sporting discipline na magtatapos ng hanggang Disyembre 1.

Layon ng nasabing programa na maisulong ang disiplina, teamwork, pagkakaisa at sportsmanship sa mga kasaling personnel.

Ang mga uniformed services na kalahok ay kinabibilangan ng mga Philippine Army, Philippine Air Force, Philippine Navy, Philippine Military Academy, Philippine Coast Guard, Philippine National Police, Bureau of Fire Protection, Bureau of Correction at Bureau Jail Management and Penology (BJMP).

Habang ang mga ahensiya na kalahok ay kinabibilangan ng Bureau of Customs, Bureau of Immigration, National Bureau of Investigation, Metropolitan Manila Development Authority, Philippine Drug Enforcement Agency at Anti-Terrorism Council.

Gaya ng dating AFP Olympics, na ang nasabing torneo ay magbibigay ng daan para sa mga uniformed personnel na ipakita ang kanilang athletic talents at malaman kung sino ang maaaring isabak sa mga national-level na kumpetisyon.