8 sugatan sa karambola ng pitong sasakyan sa Maynila

Sugatan ang walong katao matapos ang pagkarambola ng ilang sasakyan sa Lungsod ng Maynila nitong gabi ng Biyernes, Setyembre 11.

Ang mga sangkot ay dalawang bus, dalawang SUV, 2 jeep at isang motorsiklo.

Nagkabanggaan ang mga ito sa intersection ng España at sa panulukan ng P.Noval.

Nagtamo ng sugat sa iba’t-ibang katawan ang walong katao kung saan pito sa kanila ang dinala sa pagamutan.

Patuloy na iniimbestigahan ng mga otoridad ang nangyaring aksidente.