Tinulungan ng Department of Social Welfare and Development Field Office IX (DSWD FO IX) ang 800 Pilipinong ipina-deport mula sa Sabah, Malaysia, na dumating sa Zamboanga City Port noong Biyernes ng gabi, Oktubre 30.
Dumating ang mga deportee bandang alas-8 ng gabi matapos silang ilipat mula sa tatlong detention center sa Sandakan, Papar, at Tawau, Malaysia.
Sila ang ikalawang pangkat ng mga Pilipinong pinauwi sa bansa na tinanggap sa Zamboanga City ngayong taon mula nang muling ipagpatuloy ang operasyon ng deportasyon. Dumating naman ang unang pangkat noong Enero 2026.
Ayon sa DSWD FO IX, binubuo ang grupo ng 589 na lalaking nasa hustong gulang, 89 na babaeng nasa hustong gulang, at 122 menor de edad na wala pang 12 taong gulang, kabilang ang 64 na lalaki at 58 na babae.
Isinagawa ang pagtutulungan ng iba’t ibang ahensya sa koordinasyon ng International Organization for Migration, Philippine Red Cross, Action Against Hunger, Department of Health, Office of Civil Defense, Philippine Coast Guard, Philippine Air Force, Philippine National Police, at lokal na pamahalaan ng Zamboanga City sa pamamagitan ng City Engineer’s Office at Office of the City Environment and Natural Resources.
