Boluntaryong sumuko na sa National Bureau of Investigation (NBI) ang walong opisyal ng Department of Public Works and Highways (DPWH) na umanoy sangkot sa ‘ghost infrastructure project” na nagkakahalaga ng P96.5 milyon sa Davao Occidental.
Kinumpirma ito ng NBI matapos ang pagsuko ng kontratistang si Sarah Discaya habang hinihintay pa ang paglabas ng warrant of arrest nito.
Ang mga sumuko ay kinabibilangan nina: Rodrigo C. Larete – District Engineer; Michael P. Awa – Assistant District Engineer; oel M. Lumogdang – OIC-Chief, Construction Section; Harold John E. Villaver – Project Engineer; Rafael C. Faunillan – Chief, Quality Assurance Section; Josephine C. Valdez – Chief, Planning and Design Section; Ranulfo A. Flores – Chief, Maintenance Section at Czar Ryan S. Ubungen – Chief, Finance Section.
Magugunitang sinampahan ng Office of the Ombudsman ng mga kasong graft at malversation charges laban kay Discaya, ang may-ari ng St. Timothy Construction at ang nasabing walong DPWH officials.
