LAOAG CITY – Arestado ang dalawang indibidwal dahil sa iligal na sabong sa Barangay 10, Macayepyep sa bayan ng Banna dito sa lalawigan.
Segun ken ni Police Lt. Kester Arellano, ang chief of police sa bayan ng Banna, marami ang mga nagsagawa ng iligal na sabong ngunit karamihan rin sa mga ito ay nakatakbo at dalawa lamang ang kanilang nahuli.
Kinilala naman ni Arellano ang nga nahuli na sina Simplicio Samoy y Tungpalan, 53-anyos, may asawa, isang magsasaka, drug surrenderer; at si Feil Dominic Tolentino y Baynosa, 21-anyos, binata, construction worker, parehong residente sa naturang barangay.
Sinabi ni Arellano na sa kanilang pagresponde sa lugar ay naaktuhan nila ang iligal na ginagawa ng mga suspek.
Nakumpiska sa lugar ang dalwang libong piso na pista, dalawang manok na pansabong ngunit isa sa mga ito ang patay.
Sa ngayon ay inihahanda na ng kapulisan ang reklamo na maisasampa laban sa mga suspek.
