Ibinigay ang world first leukemia treatment sa isang 13-taong-gulang na pasyenteng British doon sa Great Ormond Street Hospital for Children (GOSH).
Ayon sa pahayag ng nasabing ospital, kinilala bilang si Alyssa- ang pasyenteng nakikipaglaban sa T-cell acute lymphoblastic leukemia – isang agresibong uri ng kanser sa dugo.
Ang pakikipaglaban ni Alyssa laban sa naturang sakit ay ‘incurable’.
Ayon sa ospital, ang pasyente ay na-diagnose na may sakit noong taong 2021 at nakatanggap ng lahat ng kasalukuyang conventional therapies, kabilang ang chemotherapy at bone marrow transplant.
Wala sa mga paggamot ang natagpuang gumagana at walang karagdagang mga paggamot na magagamit sa ilalim ng karaniwang pangangalaga.
Si Alyssa ang naging unang pasyente na na-enroll sa isang bagong klinikal na pagsubok noong Mayo ng taong ito upang makatanggap ng “genetically modified” immune cells mula sa isang malusog na donor.
Dagdag pa dito, pagkaraan ng 28 araw, si Alyssa ay nasa remission at nakatanggap ng pangalawang bone marrow transplant upang makatulong na maibalik ang kanyang immune system.
Ayon pa sa isang pahayag, kung wala ang eksperimentong paggamot na ito, ang tanging pagpipilian ni Alyssa ay ang palliative care para sa pakikipaglaban niya sa naturang sakit. (with reports from Bombo Allaiza Eclarinal)
