-- Advertisements --
Naghahanda na si outgoing US President Donald Trump na maglabas ng halos 100 pardons at magbawas ng mga parusa o commutations sa kanyang mga huling araw sa opisina.
Kabilang umano sa bibigyan ng pardon ng Republican President ang tinaguriang white collar criminals, high-profile rappers at marami pang iba.
May pagpupulong na nangyari sa White House kahapon upang i-finalize ang listahan ng mga bibigyan ng pardon.
Naantala umano ang kaniyang pagbibigay ng pardon dahil sa nangyaring kaguluhan noong January 6 sa US Capitol.
Asahan umano na nitong Martes ay gagawin ang pag-anunsiyo ng 74-anyos na Pangulo ng Amerika kung sinu-sinong mga kriminal at high profile inmates ang bibigyan niya ng kapatawaran. (with reports from Bombo Jane Buna)
