-- Advertisements --
Muli na namang naglabas nang warning ang NBA sa mga players na mahigpit na nagbabawal sa physical contacts lalo na at ilan na namang players ang nahawa sa coronavirus.
Kaugnay nito naglabas ng memo ang NBA sa mga teams upang ipaalala ang pagbabawal sa ginagawang kalakaran na high fives ng mga players, yakapan at pakikipagkamay.
Sakop din ang pagbabawal ng mahabang postgame conversations.
Ayon sa NBA, maaari umanong gawin ng mga players bilang options ay gamitin ang kanilang mga siko o kaya kamao sa pagbati sa mga kasama.
Ginawa ng NBA ang hakbang matapos na panibagong 11 mga players ang nagpositibo sa COVID-19.
Liban nito, umaabot na rin sa 16 na mga games ang kinansela mula nang magbukas ang bagong season noong buwan ng Disyembre.
