VP Sara sa Bonifacio Day: ‘Gawing inspirasyon ang sakripisyo ni Bonifacio’

Nanawagan si Vice President Sara Duterte sa publiko na gawing inspirasyon ang sakripisyo ni Andres Bonifacio sa patuloy na paghahangad ng katarungan at pagkakapantay-pantay sa bansa.

Sa mensahe niya para sa 162nd birth anniversary ng rebolusyonaryong bayani, na kasabay ng ikalawang bugso ng malakihang protesta laban sa korapsyon, hinimok ng Pangalawang Pangulo ang mga Pilipino na ipagpatuloy ang ipinaglaban ni Bonifacio.

Dagdag pa niya, mahalin ang Pilipinas para sa Diyos, sa Bayan, at sa bawat Pamilyang Pilipino.

“Gawin nating inspirasyon ang kanyang sakripisyo upang ipaglaban ang katarungan, pagkakapantay-pantay, at magandang kinabukasan ng Pilipinas,” pahayag ni VP Sara.